De verdade que vivimos na mesma parroquia?

O titulo da entrada é unha pregunta, mais en realidade teño máis que me xurdiron escoitando os mitins da parroquia e como non quixen interferir na campaña para evitar que me acusasen de manipulador fágoas agora e máis despois de saber que o candidato de Nebra polo PSOE e a tesoureira da Comunidade escribiron isto:

Pero é igual eh!!! A maioría da xente de Nebra non ten dous dedos de frente, porque senon aquí o BNG tiña que ganar de calle. Con Bárbara Resúa, Raúl, e o matrimonio Varela (que Santi é o presidente da comunidad é o que mira por Nebra) tiñan que ter mais do 90%, porque se eles non miran por Nebra...a ver quen vai mirar... Pero nada eh!!! seguimos igual

Bárbara Resúa: Gracias Vila polas tuas palabras pero xa se veu qe a xente de Nebra non pensa coma ti. Pero bueno, eu vou seguir loitando con uñas e dentes polo ben dos meus veciños e da miña parroquia.

Até o ano 2007, tódolos anos houbo unha cuadrilla na Comunidade, composta por 5 homes ou mulleres que como mínimo traballaban 6 meses no monte, salvo nun ano que coido que houbo dúas. Esas cuadrillas eran subvencionadas nun 80% pola Xunta e o resto pola Comunidade, e nun golpe de graza a Consellería do Medio Rural do bipartito retirou esas axudas, que os gobernos posteriores non restituíron.

Ese mesmo ano, a pesar de ser un goberno «amigo», trala súa nefasta actuación nos lumes que desbastaron o noso monte, quixeron «agasallarnos» coa retirada da subvención, e cando nunha asemblea denunciei esa afronta, como non tiña á man este documento o presidente negouno e fiel ao seu espírito chamoume mentireiro e saíulle ben porque segue ao fronte da comunidade e eu por querer facelas cousas ben, tiven que saír pola porta de atrás. Agora que o recuperei que o siga negando.

Que entenderan algúns por: mirar por Nebra e loitar con uñas e dentes? Darlle tódolos traballos a unha empresa foránea que xoga sobre seguro, xa que pide as subvencións e se non lle chegan os cartos remata reclamándollos á Comunidade?

Quen coñece o actual estado de contas? Responsabilidade da tesoureira!!!

Sen mirar no blog, quen lembra cando celebramos a derradeira Asemblea?

Quen sabe cantos comuneiros compoñemos actualmente o Censo?

Quen sabe canto se ingresou polas últimas cortas e rareas?

Quen sabe das subvencións que en teoría estariamos a recibir polos porcos?

Quen sabe o que se ingresou polas camadas vendidas?

Quen sabe os beneficios ou perdas , que deu a SÚA festa?

Dúas preguntas nunha ben sinxelas: Quen sabe cantos bonos de comida se venderon e cantas racións se repartiron?

Pareceuvos normal que cos nosos fondos engordásemos os porcos e que ao mesmo tempo tivésemos que pagar polo prato o mesmo que calquera alleo á Comunidade?

Sabedes que a comunidade está denunciada porque os porcos entraron nunha propiedade privada, e como o seguro non se fixo cargo, o presidente negouse a pagarlle ao afectado, cando noutro caso parecido si se fixeron cargo?

Que o presidente é un trapalleiro e mal pagador, entre outras cousas, demostroumo ao negarme os gastos que me ocasionou a sentenza coa que recuperei para a Comunidade a leira onde temos o local e que me foran aprobados nunha asemblea.

Despois de comunicarnos na última reunión da Xunta Reitora, onde presentei a miña dimisión, que me ía pagar porque era de xustiza, cando me veu fora negoumos.

Por sorte desa Asemblea recuperei as gravacións onde pódese escoitar perfectamente como me «alaga» e no Universal, como me pon a «parir» dicíndome que non fixera nada e que polo tanto non me ía pagar un can, como así foi.

Esa foi a tónica xeral que empregou contra min, nos dou anos que o aturei e sobre todo cando non tiña a razón, supoño que, porque el é o «estudado» e eu o «analfabeto». Isto facíamo co visto e prace da xente presente nesas reunións.

Cando entramos a formar parte da Xunta Reitora, no libro de actas constaba que había 6 desbrozadoras, mais entregáronos 5 e grazas á miña perseveranza apareceu a que faltaba, despois de dicirme que con 2 fixeran 1. Fai uns anos compraron outras 5 e agora aí están parte de elas mortas de risa, salvo cando algúns levanas de «cloco», cando se no seu día me fixeran caso, podíanse alugar.

Aló menos nesta comunidade e noutras do entorno a súa xente ten algo de traballo.

Escollín o verde, color da esperanza porque agardo que algún día Nebra esperte e poña a esta xente no seu sitio. Hoxe sei que hai moit@s que pensan o mesmo, máis fáltalles a cultura de facerse respectar. Algo que a esa xente non lle interesa.

Faro de Vigo: Os comuneiros de O Hío contratan a dúas persoas como peóns forestais durante un mes

A Comunidade de Montes de O Hío pecha o domingo o prazo para optar a dúas prazas de peón forestal. Os interesados poden enviar as súas solicitudes ao correo electrónico montesdohio@gmail.com ou entregalas a calquera membro da xunta reitora. Terase en conta ser familiar de comuneiros, experiencia laboral no mundo forestal e a formación. O contrato terá unha duración dun mes e para calquera dúbida pódese chamar ao 657 364587.