lunes, 3 de diciembre de 2012

Pódese discrepar, pero sen insultar

Roberto Garrido, presidente da comunidade de montes
Nin nos escritos que expoñía publicamente nos taboleiros da parroquia, nas asembleas, ou neste blogue, insultei a ningún directivo da comunidade, a pesares de que algúns si me descualificaron. Nuns casos constan en acta e noutros, por sorte, están gravados. Neste último caso emitidos por parte de quen pensei que era un amigo e que está onde está grazas a aquela lista, que maldito o día que accedín á elaborar.
Diario de Arousa: A directiva dos comuneiros estuda accións legais contra quen lles difaman

A última asemblea da comunidade de montes de Noalla resultou convulsa. O presidente, e algúns membros da xunta directiva, foron obxecto de insultos. Pero non era a primeira vez. Antes da asemblea apareceron na parroquia carteis e panfletos con descualificativos cara a persoa do presidente dos comuneiros. Poderían non estar relacionados, pero a directiva puxo a disposición do seu gabinete xurídico todas as probas das que dispoñen para analizar se poden interpor algún tipo de acción legal.

Desde a xunta directiva aseguran non estar dispostos a tolerar faltas de respecto, “a honra e a dignidade das persoas que traballamos altruistamente para o beneficio dos comuneiros e fregueses de Noalla, valores que nesta xunta reitora non só temos moi en conta senón que enxalzamos en todo momento”.

A xunta directiva confía en que todo quede resolto e poder continuar traballando con total normalidade.

No hay comentarios: