A política ten estas cousas!!!

Pleno en Porto do Son

Non é a miña intención con esta entrada defendela actuación do equipo de goberno do Concello de Porto do Son, pero analizando estas dúas intervencións dos edís do BNG, , que non con pouco traballo fun quen de elaborar, se o Concello Son asume obras e gastos que non son da súa competencia, para o eles, é un despilfarro. Eu tamén o entendo así. Agora si que non sei se eles serán que de entenderme o que vou dicir despois das súas intervencións reflectidas aquí e recollidas textualmente do vídeo, amén doutros datos e documentos nos que me sustento para afirmar todo isto.

Minuto 6:18.- Intervención do voceiro de Facenda do BNG.- Bueno...! A Xunta...! A Xunta...! ¿Será a Deputación? porque eu aquí nos orzamentos vexo que a Xunta de Galiza... A Xunta... Amiga!... A Xunta coa que hai tanto bo filing..., tan bo rollo.., nestes orzamentos para O Son hai 31.382 € iso é o que vai dar a Xunta de Galiza..., aportar nestes orzamentos, e son en 2 partidas 20.000 € para actuación da rexeneración na praia de Seiras en Queiruga e, once mil e pico de €, que van para o Punto de Información do Castro de Baroña, que paga a metade o Concello e despois unha parte a Deputación e outra a Xunta Ou sexa a que.... A Xunta... Amiga... onde están os cartos da Xunta?

Minuto 09:00.-Intervención da Portavoz do BNG dirixíndose ao señor alcalde... Sabe que está facendo? Pagar constantemente co diñeiro dos veciños... do noso Concello, as competencias doutras administracións. (...) estamos cansados os veciños do Son que, a base de subirnos a nós os impostos lle faga vostede regalitos aos seus grupos de colegas. Pagando obras que non son de competencia municipal.

Alcalde.- Que obra?
A.F.- A lonxa!

...O presidente da comunidade que milita no seu partido leva tempo facéndonos cousas parecidas, neste caso segundo me informou un vogal, presuntamente sen contar nin coa Xunta Reitora, está obrigado estatutariamente e por suposto, aquí xa o afirmo, sen contar coa asemblea Xeral. No Concello pode ser unha mala xestión de todo o equipo, na comunidade se é verdade, é moito peor porque os presidentes non teñen este tipo de atribucións. Sei que oficialmente non se poden pronunciar, máis tampouco lles interesa porque ninguén tira pedras ao seu tellado (partido) e non hai prensa ou televisión coma nos plenos para facerse ver que se defende ao pobo, salvo que os veciños de Nebra teñamos menos dereitos que os do Son, pero tendo coñecemento destas presuntas actuacións irregularidades, xa non de agora se non de anos podían pedirlle corrixir ese defecto, porque na Xunta reitora hai máis xente do BNG pero prefiren mirar para outro lado. Se pinchen aquí entenderanme mellor. No caso concreto desta pista que é competencia do Concello, parece que un reitor soubo incluso da súa reparación por mediación dos comuneiros, xa cando estaba reparada.A proba para saber se o vogal que me informou de todo isto está equivocado ou non, é miralas actas da xunta reitora. Dende logo na asemblea xeral, nunca se aprobou, aínda que como é de supoñer o seu custo correou con fondos de comunitarios. Aquí ninguén paga do seu peto as súas malas accións, nin as de outros.

Neste outro caso a responsabilidade de dotar de beirarrúas a esta estrada é da Deputación de feito leva anos con esa promesa mesmo colleron xa o terreo coa Parcelaría, así mataron dous paxaros dun tiro e non pagaron expropiacións, Independentemente de que o Concello puxese fondos a comunidade non tiña porque por ren. Logo das fotos botáronlle a todo unha capa de cemento.

Este último apartado é o que máis me recochinea...
Por culpa dese tan bo filing e tan bo rollo que agora botan de menos, entre a Xunta e o Concello, así actuou a sinistra, para min, Consellería do Medio Rural do bipartito, nesta Expropiación ilegal, máis daquela cando informei aos tres que edís que aparecen no vídeo, xunto a un militante que fixo de intermediario e ao culpable da desfeita: o señor presidente como máximo responsable da comunidade, a súa portavoz aínda se atreveu a dicirme que non fora para tanto, claro que nese intre o que máis lle preocupaba era a súa campaña nas municipais.

Así tratou o Conselleiro do Medio Rural a un militante de moitos anos no BNG, que máis dunha vez aportou fondos nas campañas do partido, aínda que igual agora coma cos sobres do PP, non haxa probas, porque non se emitían facturas. O seu trato non tivo nada que ver co que recibín dos Deputados Suso Veiga e Milucho López, sobre todo este último cando estando na oposición recibíanme sempre cordialmente para presentar escritos no Parlamento no meu nome e incluso facéndolle preguntas ao Conselleiro, Tomás Vidal, para que as respondese dende a Tribuna. Dos poucos amigos do BNG, por non dicir case o único, do que gardo un moi bo recordo e trato, así acabaron tamén con el.

Predicar no deserto

Tralo desastre do 2006, cumpría que comuneiros e directivos nos sentásemos a falar coloquialmente e reconsiderar se queríamos seguir cos monocultivos de eucaliptos e pinos, ou abrir novos frontes con madeiras moito máis nobres e puxantes (castaño, carballo, nogueira, cerdeira, etc) e incluso facer un estudo de viabilidade para poder producir castaña. Se non fai tantos anos As Gavias era unha zona de moita produción, por que no podía ser agora tamén?

Pero non, séguese coa mesma política que tanto criticaba algún antes e despois de gañaremos as eleccións na comunidade e que incluso sacaba sempre a relucir nas reunións que tiñamos coa Mancomunidade de Montes Serra da Barbanza e nas Consellerías que visitabamos. Seis anos despois seguimos pagando por plantar pinos, cando todos sabemos perfectamente que nalgunhas zonas onde se repoboou nin tan sequera facía falla.

Os trocos que preconizaba nese mesmo ano o amigo e compañeiro Milucho «Emilio López», co que tantas veces me xuntei no Parlamento de Galiza para tratar a titulo particular temas relacionados coa comunidade, en Nebra non houbo ningún interese en facelos realidade.

Aínda que non teña nada que ver co tema, tralo seu paso pola Xunta e posterior perda do poder do bipartito, pasoulle un pouco as miñas: o seu partido non se portou moi ben con el.

O delegado provincial da Consellería de Medio Rural, o nacionalista Emilio López Pérez, achegouse onte a Viveiro para falar das políticas que este departamento está a por en marcha. A súa visita é unha mostra da importancia que ten o rural na Mariña luguesa, segundo el mesmo recoñeceu.

-Comecemos polos montes en man común.

-Na Mariña xa hai unha masa forestal importantísima, maiormente de eucalipto. É imprescindible buscar unha mellor organización dos veciños e un maior aproveitamento da produción forestal. Hai que preocuparse da selvicultura porque as árbores necesitan un tratamento. E tamén a labor preventiva e de vixilancia polo perigo de incendios, e lograr a implicación da poboación nesta defensa do monte. O aproveitamento da biomasa tamén é importante.

-Que facemos co monocultivo do eucalipto?

-Tódalas árbores teñen cabida, pero estamos especialmente preocupados polo baixo prezo da madeira de eucalipto, hai que ir cambiando a madeira nobre, que ten moitísimo valor. Estamos cos plans de aproveitamento do castiñeiro. Xa se está vendo un cambio radical na Consellería.

-Que hai das concentracións parcelarias?

-Trabada é o Concello no que máis se ten invertido e este ano vai ser igual. Vamos cambiar a política porque custaba máis a concentración que a terra; vaise facer unha ordenación do monte, pero non moitas infraestructuras, que ás veces son prexudiciais porque se mistura monte con labradío. Temos un problema, hai moitas concentracións solicitadas e comprometidas polo anterior Goberno, que requiren unha inxección económica enorme.


-A horticultura está algo abandonada na zona.

-Abriuse a lonxa de Lourenzá, que estaba pechada, e vaise promover a concentración de varias parroquias de Mondoñedo, que levaba 18 anos parada. En Viveiro hai xente interesada na produción de mazá e imos falar diso (na charla de onte).

-O sector agrogandeiro.

-Ao contrario do que pode parecer o rural é moi importante na Mariña. Hai produción gandeira cabalar, vacún e ovina; e plantacións que noutros lugar non se dan polo clima.

Fonte orixinal: La Voz de Galicia