Estará enterado o Farruco do que fixo o BNG en Nebra?

Resulta que tal é como se pode ver no seu Nordés sobre a parroquia de San Pedro de Muro, culpa ao concello de non facerlle acceso ás leiras, con motivo das obras de ampliación da estrada de Xuño a Corrubedo, e doulles a razón, aínda que descoñezo se o responsable é o alcalde ou a Deputación.

Ollala palla en ollo alleo e non a viga no propio.

No seu día critiquei á Consellería do Medio Rural en mans do BNG, porque sen abrir un proceso expropiador atravesou con esta pista varios agros sen coñecemento e permiso dos seus propietarios «clasificando pola miña parte como roubo con aleivosía», e por riba, como se pode ollar nas foto, deixáronnos se acceso a ela, tal e como denuncian na busca de réditos electorais, o que acontece en Muro. Porén hai unha diferenza substancial, eses veciños cobraron pola expropiación, mentres aquí actuaron como unha mafia.

E agora, sete anos despois onde antes tiñamos, aínda que fosen eucaliptos para leña, a pesar dos fondos públicos mal empregados en facela, dedícana a criar toxos. Iso sen mencionar e así consta en acta que o impostor do presidente díxolle ao finado de meu pai, que a madeira que lle levou por diante, compensaríalla con un tractor de leña, mais como mal pagador que é, aínda que neste caso pagaría a comunidade, demostrou que xamais tivo intención de cumprila súa palabra de falso, e político barato que amosa ser.

Foto de arriba tomada no noso agro, e as de abaixo no resto de propiedades.

É así como dixo a señora Ánxela na radio, que o BNG quere potencialo monte?