Mentres o pobo dá a cara, outros seguen mantado

José Carlos Vidal, presidente de Voz Ánima
Foto: Simón Balvís

Primeiro viñeron buscar aos comunistas e non dixen nada porque eu non era comunista.
Logo viñeron a por os xudeus e non dixen nada porque eu non era xudeu.
Logo viñeron a por os sindicalistas e non dixen nada porque eu non era sindicalista.
Logo viñeron a por os católicos e non dixen nada porque eu era protestante.
Logo viñeron a por min pero non quedaba ninguén para protestar.
Martin Niemöller

A última manda do Oeste

O lobo, un animal nobre...
Sempre tiven admiración por este mamífero que penso que debéramos conservar custe o que custe. Contan moitas mentiras deste gran e nobre can, que sempre respectou ao home, cousa que non ocorre ao revés...

En Escocia o último lobo común coñecido foi asasinado en terras de Mackintosh en Invernessshire en 1743. Fonte: Fauna de Escocia.

Aquí no Barbanza leva o mesmo camiño...

Integrantes do colectivo ecoloxista Voz Ánima atoparon este fin de semana o corpo dun lobo morto na serra de Barbanza. Trátase do cuarto exemplar desta especie achado en similares circunstancias nas últimas tres semanas, xa que antes apareceron unha femia da raza ibérica e dous híbridos, cruzamento de lobo e can. Por agora descoñécese de que grupo é o animal achado e cando morreu, aínda que todo apunta a que foi fai uns dez ou quince días.

O presidente de Vox Ánima, José Carlos Vidal, sinalou que «o animal parece adoptar unha posición para morrer, polo que é bastante probable que estivese ferido, aínda que isto só é unha posibilidade que barallamos. O que sabemos é que algúns dos lobos ou híbridos da serra foron feridos durante as esperas -permisos de caza da Xunta que, ao contrario que as batidas, obrigan ao cazador a permanecer quedo- e os seus corpos non foron recuperados. Así que probablemente este sexa un de eles».

Con todo, este punto descoñécese tamén porque o lóxico na caza controlada de híbridos é que se retire o exemplar para analizalo e descartar que se tratase dun lobo ibérico. Os «híbridos -din na Xunta- son froito do cruzamento entre lobos e cans e están contaminados xenéticamente, por iso supoñen un perigo para a correcta conservación da especie autóctona, que é o lobo ibérico».

Notificación ao Seprona

Vox Ánima xa puxo en coñecemento do Seprona de Noia o achado de onte e está á espera de que as autoridades procedan á retirada dos restos para obter máis datos. Por exemplo, crese que o animal puido ser deixado no lugar unha vez morto, pois está a escasos metros dun camiño de fácil acceso para certos vehículos; tamén resulta difícil polo momento precisar se existen orificios causados por armas de fogo no corpo.

Falta de datos oficiais

A falta de datos oficiais sobre os exemplares abatidos fai que ninguén saiba con certeza o número de lobos ou híbridos que hai actualmente.

Fonte orixinal: La Voz de Galicia