Lembrando aquel 12 de outubro [101 Cabodano]

Lembrando aquel 12 de outubro: 17ª homenaxe

Con motivo do centenario da manifestación convocada pola Liga Agraria de Nebra e a Protección Obrera de Porto do Son na ponte de Cans, para apoiar ao alcalde de barrio que residía nesa aldea ao que pretendía embarga unha vaca coa intención de atemorizar aos veciños que se negaban a pagar un imposto sacado da manga polos caciques que mal gobernaban nesas datas o Concello de O Son, celebrouse o primeiro acto de varios programados no Local Social da Comunidade de Montes, de forma conxunta polo BNG de O Son, os veciños e quen asina xunto coa miña familia desde que os promovín hai xa 17 anos.

Para ser a primeira vez que se organiza de esta maneira (a efeméride, as 5 vítimas e os que os acompañaban ben o merecían), callou o interese nos veciños e xente procedente doutras parroquias, xa que superouse con creces a centena de asistentes.

Se hai uns anos algunha xente botáballe a culpa do que aconteceu aos veciños, agora son moitos os que xa se achegan máis á "versión real" que a "versión oficial", a pesar de coñecerse por outras actuacións como as gastaban a principios do Século XX as autoridades e a Garda Civil.

O resultado daquel encontro tan desigual truncou no acto as vidas de Antonio Sobrado Luaces e Francisca Carou, feridas de morte Ramona Suárez Pouso e Xenerosa Vidal Cadórniga, que falecerían nas súas casas o día 15, e Rosa Cadórniga Maneiro, que falecía o día 28 no Hospital en Santiago.

Fotos e vídeos íntegros de este primeiro acto

Canto tempo vamos a seguir aturando isto?

Ano e medio sen celebrar unha Asemblea, sen darnos contas de onde e como se gastaron os NOSOS CARTOS, e seguimos sen aprobalo censo.

O cargo de presidente expira aos catro anos e este vai camiño dos cinco.

A Xunta Reitora ten que xuntarse cada 2 meses e por riba algúns vogais xa non lembran cando foi á última vez que os convocaron.

Cada aldea ten dereito a ter un vogal, e de pasar a ter dous ou tres algunhas, agora son varias as que non teñen ningún.

O asunto dos porcos parecese ao conto da leiteira.

Danlle 80 Has., a uns gandeiros e non sabemos a cambio de que. O que si se sabe é que os volveron a enfrontar entre eles, en prexuízo da comunidade.

Oxalá o equivocado fose eu, mais son moitos os que pensan igual, o que pasa é que non queren ser sinalados polo dedo, por criticalo que pasa abertamente.

Estatisticamente sen local celebramos máis asembleas á intemperie, con choiva e vento que agora con el.

Alguén lembra que nos tomasen o pelo desta maneira?

noventa e nove anos despois, onde vai o espírito daquela xente da Liga Agraria de Nebra que non só loitou por defendelo seu, se non o de moitos veciños da parroquia e do Concello, que o presidente e o seu partido veñen a aldraxar?

Feliz Aninovo e oxalá houbese xente con máis sentido común que puxese un pouco máis de cordura neste 2015, porque somos a chota entre o resto de comunidades e non só do Barbanza, se non de Galicia enteira.