Reflexións que fixen no meu Facebook a raíz dos lumes

Estes comentarios fíxenos a raíz doutro que me deixou unha señora á que en vez de responderlle (non lle debeu gustar o que escribín porque o eliminou non así o veciño Isidro) optei pola forma de seguir coa miña reflexión: Tremenda a fumareda que temos que molesta na gorxa e nos ollos. Algúns malnacidos só veñen a este mundo para facer mal.

Para que a reflexión sexa accesible a todo o mundo paseina a público.

• Mentres haxa seguramente intereses espurios e malas mentes, vai ser imposible, porque é imposible ter o monte como se fose un xardín, e non arde solo en Galicia, se non en moitos países incluso no denominado o máis poderoso do mundo.
• Mais onde os políticos tratan de buscar réditos co lume é en Galicia. A Fraga contra o tripartito saíulle moi ben. Despois tivo que comer moitas veces esas críticas. Estando en Noruega un día escoitando a radio, saíu nunha entrevista cando ardía o Barbanza, Groveiro, que daquela era o alcalde, pero xa deberá cambiar de bando porque defendía a Fraga.
• Ese é outros anos foi aproveitado polo PSOE e sobre todo polo BNG, polo que despois foi o concelleiro de Medio Rural que eles tiñan a solución contra o lume. Colleron a Xunta no 2005 e ese ano, no Barbanza coido que ardeu solo en Baroña, pero houbo múltiples incendios por Galicia. Como desculpa achacaron que non lles dera tempo a coordinarse e así tentaron acalas las críticas.
• Ah, pero veu o 2006 e Galicia ardeu polos catro costados, o Barbanza case todo e en Nebra libramos pola Falcoeira e o día que botei 16 horas coa nosa cuadrilla, non tivemos apoios aéreos e solo contamos co tanque do noso coche que o estreabamos, a motobomba do Concello e a cuadrilla de Baroña, que foi a que nos facilitou un bocadillo porque os ex-compañeiros nada e un deles presentouse con unhas zocas de andar pola casa.
• Desde a Consellería botábanlle a culpa aos pirómanos, cando supoño que con Fraga e o tripartito pasaría o mesmo.
• E por último Feijoo, aproveitouse, e agora estállalle tamén a el nas mans e xa teño aos ex-compañeiros, criticándoo, cando a verdade é que se deixou de facer un aproveitamento (gratuíto) do monte foi cando cada vez arde máis, porque volvo ao principio para telo como un xardín, había que ter unha máquina de facer cartos.
• E o curioso é que andan colgando fotos do 2006 como se fosen de estes días. Caso singular porque me acaban de pasalo enlace é o incendio de Caamaño que presuntamente o comparte un de Canarias e que Ánxela Franco, non se corta en compartila cando sabe perfectamente que ese incendio foi cando gobernaban os seus (eu agora xa estou fora) na Xunta.
• Se pinchas a foto do lume xunto a Igrexa e a amplías, veras que xunto aos coche aínda non hai a parada do bus que colocou ela despois da moción de censura contra Manuel Tomé Piñeiro... ao que chegamos!!!
• Teus pais pódenche contar mellor que min, como cando eran uns rapaces por Nebra tamén ardía. Eu cando tiven as festas algunhas noites sobre a media noite empezaba algún lume, e Jorge de Casanova non lle parou o pan no corpo subiu ao palco da orquestra, colleu o micro e chamoulles de todo a esa xente, porque ás 12 da noite un lume non prende solo.
  
  Tan malos son querendo colar esa foto do 2006, que nin repararon na lúa.
  
  Arriba o calendario luar de agosto de este ano.
  

Basta xa de tanta manipulación, falsidade e mentiras!!!

Por se tiña algunha dúbida que o tema da Variante de Portosín, estase politizando, veumo a confirmar esta noticia: A plataforma contra a variante busca o apoio dos grupos políticos sonenses

A plataforma veciñal contra a variante de Portosín segue buscando apoios á súa causa, e para iso iniciou unha rolda de contactos cos distintos grupos políticos con representación no municipio. Hai uns días tocoulle a quenda ao PSOE, e antonte o local da comunidade de montes de Nebra recibiu á deputada nacionalista Ana Pontón, que volveu mostrar o rexeitamento da súa formación ao proxecto da estrada.

Aínda que no seu día o Bloque xa levou o asunto ao parlamento autonómico a través dunha serie de preguntas, Pontón comprometeuse a incluír a construción da infraestrutura no debate no Hórreo. Ademais, os nacionalistas sonenses volverán solicitar un pleno extraordinario para que se trate esta cuestión. Fixérono xa unha vez e a sesión non se convocou porque non reunían o mínimo de edís esixido, pero agora o PSOE podería apoiar a proposta. Desde a plataforma indicaron que os socialistas tamén lles manifestaron o seu apoio, así que esperan que axuden a forzar a convocatoria do pleno.

Fontes dos comuneiros de Nebra, integrados no colectivo contra a variante porque lles afecta, sinalaron que as reunións sobre a estrada están a celebrarse no seu local «porque non nos deixan usar espazos municipais» e que aínda esperan a resposta á solicitude para reunirse co PP local.

En primeiro lugar quero manifestar a miña total repulsa porque alguén, aínda que podo intuír quen é, estea utilizado o nome da Comunidade de Montes para sustentar esta manipulación e trapallada con mentiras, xa que os comuneiros aínda non nos pronunciásemos ao non ser convocados a ningunha asemblea ao efecto, e o peor de todo é, que nen sequera contaron cos vogais.

Porén o que máis me choca de todo isto é que o 30 de xaneiro, cando os Técnicos da Xunta explicaron o proxecto da variante en Portosín, de Nebra só estivemos presentes o meu fillo e máis eu. Alí non acudiu nin o presidente, que neste intre ocupa ilegalmente o cargo, nin ningún dos reitores, que todo hai que dicilo, están na mesma situación. Dado que o último tramo da Variante ocupa parte do noso monte a súa obriga era acudir á reunión.

Outro tema, e isto si que é rechamante é que tendo un local como temos en Nebra, digan que o Concello non lles deixa usar espazos municipais «Sic». A parte de ser presuntamente mentira, ou polo menos confirmouma o alcalde, que senso ten que teñamos a nosa sede e quixesen usar unha do Concello, que por certo, en Nebra non ten? Cal pediron? A Casa de Cultura do Son, Noal, Portosín, Miñortos, Baroña, Ribasieira, Caamaño, Queiruga, Xuño ou Muro?

Sóalles raro, verdade?. Pois a min máis. E non só por iso, se non porque ningún comuneiro ou comuneira entendería que para falar de algo que nos atane teñamos que desprazarnos fóra da parroquia. Se valeu para que a señora ana Pontón, o usase grazas a quen ten de man, para nós tamén é o mellor espazo para debatelos nosos problemas.

A todo isto, pregúntome se esa reunión foi a «porta pechada»?, porque ningún veciño cos que falei soubo nada, nin tampouco o vogal co que contactei. Eu tampouco tiven oportunidade de ollalo panfleto, se é que expuxeron algún. Tanto é que agora visitei a súa web e non mencionan nada.

A Verdade foi unha magoa, porque coma copropietario do local tiña dereito a preguntarlle, por que agora defende tanto a uns veciños e o seu partido dende o bipartito, «rouboulle» parte dun agro a meu pai. Acolléndose ao silencio administrativo para evitar problemas legais: Medio Rural non contesta.

Fíxense o carente que esta a xente de información, que moitos aínda pensan que a Variante remata nas proximidades de Loreto, atravesando a aldea de Quintáns, cando segundo a opción escollida, nun principio remata en Cans.

Din que rectificar é de sabios, máis gustaríame saber por que agora o BNG, oponse a esta infraestrutura, cando segundo se nos explicou en Portosín, presuntamente o bipartito na Xunta elaborou un proxecto valorado en máis de 80.000 €, e aquí a Asemblea local, levábaa no seu programa electoral.

El Correo Gallego: La variante de Noia preocupa al BNG de O Son La edil del BNG aseguró que lo que más preocupa a Porto do Son es "que unha vez as máquinas comencen a traballar xa non paren e continúen en Portosín"

E xa para rematar non entendo como o trigobeno de Noia, no cal esta integrado o BNG, dou o seu visto e prace. Existen diferenzas entre a asemblea local de Noia e a do Son? Cal será a postura do seu Consello Comarcal?

Por certo para que ninguén me malinterprete, persoalmente non gusto da obra, pola súa afectación e porque coido que cando rematen coa ponte, acabarase co embude de Noia. Esta opinión compartina con unha amiga, que ten outra ben distinta, que por suposto respecto como ela respecta a miña.